回巢TVB逾9個月 股價屢創新低

王祖藍話抵買 「不犯法也想入貨」

回巢TVB逾9個月 股價屢創新低 王祖藍話抵買 「不犯法也想入貨」

BossMind | 2021.11.08

曾志偉同王祖藍於今年1月一齊回巢TVB(511)「救火」,前者做TVB副總經理,其後仲極速升任總經理(節目內容營運),後者就做首席創意官。事隔逾9個月,TVB似乎未有咩大起色,股價仲屢創新低,昨日就低見5.77元,不過王祖藍就相當樂觀,仲話TVB「抵買,是入貨好時機﹗」


王祖藍又指,「公司廣告有增長,又迎接電商商機,對疫情緩和通關也有信心。我剛從藝人轉成管理層,如不觸犯條例,我也想入貨,但暫時知道贏取節目獎金也需要申報」。


講起TVB股價,大家都不時將佢同人氣極旺的香港科技探索(1137)作比較,皆因前稱港視的1137,當年一心挑戰TVB大台地位,但最後不獲發牌,轉而開拓網購市場,反而展開了一片新天地;相反TVB經營冇起色之餘,又想開拓網購生意,更在今年8月入股本地網購平台「士多」,仲表明目標是成為香港主要電商之一,咁仲唔係要挑戰HKTVmall。


不過,以今年以來股價計,TVB大跌逾26%,香港科技探索就可以逆市升逾4%。市值方面,TVB最新僅有約26億元,而香港科技探索則逾108億元,足足相差逾3倍呀!


就咁睇,王祖藍的「入貨論」難免令人質疑。事實上,王祖藍早前大談「直播帶貨」,一樣惹來霍啟剛質疑。事源王祖藍話內地直播帶貨是全球獨有的產業,仲話「全球見唔到其他地方有」,但霍啟剛就質疑話「以前電視咪賣嘢囉」,不過王祖藍就解釋,「電視購物都冇而家嘅大數據」,仲不忘大讚中國製造,表示「外國帶緊嗰個貨都係中國製造嘅貨」。


咁唔知TVB未來又會否大搞「直播帶貨」?又幫唔幫到業績同股價呢?咁就要留待時間去證明了。

__________________________________________________________

密切留意BossMind動向!立即CLS

▴FB

▴Instagram

▴Youtube

回巢TVB逾9個月 股價屢創新低 王祖藍話抵買 「不犯法也想入貨」
BossMind
 | 2021.11.08

Work hard. Have fun. Make history. 我們將以BossMind作為重新出發的起點,透過不同文章、節目,助大家深入淺出了解財經大事。盡早達成財務自由,未來的生活質素,由自己作主。Be your own boss.

分享這個帖子
文章精選