TVB娛樂台主播買白石角2000萬新樓 吳紫韻回應:「今次都係all in or nothing!」

TVB娛樂台主播買白石角2000萬新樓 吳紫韻回應:「今次都係all in or nothing!」

Jay | 2022.01.11

TVB娛樂新聞台主播吳紫韻(Purple)斥資近1,963萬元買入大埔白石角新盤朗濤一個1,208方呎的三房單位,她接受BossMind訪問表示:「今次都係all in or nothing。」

數日前她於IG出Post透露成功上車,「短短三個月,拍了一生難忘的綜藝節目,入了劇,有自己的公司,有自己的房子。大概實現了自己一半的目標。」據了解,她買入的單位為朗濤9A座低層戶,實用面積1,208方呎,三房間隔,上月中透過招標形式買入,成交價1,963萬元,呎價16,250元。

她接受BossMind訪問,開始談到首次置業,她稱:「以前都係同屋企人一齊投資,自己投資就第一次。(今次)冇屋企人幫,邊有呢個本事,自己冇可能負擔到首期。多謝屋企人,同埋工作上都有好多機會,所以都感恩,今次都係all in or nothing!屋企人畀咗好大嘅支持同幫助我,不過變咗自己要用大部份嘅人工去供樓。」

她續稱:「自己一直都好鍾意同留意樓市,覺得喺香港投資地產係比較實際啲。以往都有啲心水嘅樓盤同埋地區都有升值,所以屋企人都相信我嘅眼光,當係即將踏入30歲嘅禮物,而且都要學識投資同埋擔起自己嘅責任」。

提到工作,她說:「自己有多方面工作,喺疫情期間雖然有影響,但都有好多契機,好似多咗唔同嘅網上工作,再加埋做主持同拍劇(公司都有穩定嘅工作量),就有比較穩定嘅收入。所以嚟緊都係搏命畀心機做嘢,賺到嘅收入全副身家擺晒入去呢個安樂蝸。」

一般而言,購入1,000萬元或以上單位,最多可借4成,假設她一按借4成,以上述單位為例,息率2.5厘,分30年攤還,每月供款約3.1萬元。

大埔白石角有不少多名人居住,例如王祖藍、陳小春、黎瑞恩及林曉峰等。她直言,睇中白石角發展潛力,「白石角相對香港其他地區算係低水,睇返其他新發展地區好多都係呎價18,000元呎以上,而家呎價16,000元呎嘅全新樓。另外,政府亦提出發展呢度,相信呢區未來有升值潛力。」


密切留意BossMind動向!立即CLS

FB     Instagram    Youtube

TVB娛樂台主播買白石角2000萬新樓 吳紫韻回應:「今次都係all in or nothing!」
Jay
 | 2022.01.11

有樓冇樓一樣要睇樓!唔理殘爛散定過億大宅,Jay喺BossMind都會同你發掘更多樓市資訊,最重要都係睇我!睇我!睇我!

分享這個帖子
文章精選