預算案|業界點睇政府放寬按保? 汪敦敬:唔係托住高樓價、係唔好再跌 施永青:有利上車 可買高一檔嘅樓

預算案|業界點睇政府放寬按保? 汪敦敬:唔係托住高樓價、係唔好再跌 施永青:有利上車 可買高一檔嘅樓

BossMind | 2022.02.23

財政司司長陳茂波在預算案中宣佈放寬按保計劃,首次置業人士可申請最高九成按揭貸款的樓價上限,會由現時800萬元提升至1,000萬元;申請最高八成按揭貸款的樓價上限,亦會由1,000萬元提升至1,200萬元。被視為「樓市大好友」的祥益地產總裁汪敦敬認為,有關政策將令樓市止跌,而且「係一劑補藥!」。此外,中原地產創辦人施永青亦表示,政策對樓市需求有所提升,並有利於首期不足買家。

汪:政策有望加速換樓鏈

汪敦敬認為,政策是一個大大突破,「原本樓價超過1,000萬元,要支付五成首期,呢個真係最舊制,未改變過!而家1,200萬元以下可以做到八成按揭,1,000萬元以下可以做到九成按揭,係會加速換樓鏈,可以想像到樓價700萬至1,000萬元的業主就可以換樓,呢類單位放盤有機會增加,以前住700萬樓的業主賣俾人哋有槓桿,但自己冇,而家就對於呢類業主有好大幫助,呢個政策係可以刺激到樓市。」

他又舉例,如果以新政策去買入1,200萬單位,首期將由600萬元減至240萬元,買家首期減少360萬元。

至於問到政府此舉是否想托住樓市,汪敦敬形容政策「對樓市而言係一劑補藥!我唔抗拒你用呢個(托住樓市)字眼,但而家唔係托住高樓價,目的係托住樓價唔好再跌,所以呢劑藥係王道,令市場有生氣!而呢個政策唔係有利炒家,而係有利自住用家,我覺得係好!」

汪敦敬又認為,有關政策對於現時膠着的樓市而言,有一個正面的影響,估計市場將會增加兩至三成睇樓客。

施:單睇政策會推高樓價

此外,中原地產創辦人施永青表示,放寬按保計劃對樓市需求有所提升,並指「有利首期不足的買家,原本1,000萬至1,200萬元單位,要支付五成首期,而家1,200萬元單位支付兩成首期,想買呢類單位嘅市民由買唔起到買得起,可以買高一檔嘅樓」。

不過,施永青認為政策會推高樓價,「單睇政策梗係會推高樓價,但樓價亦受疫情、地緣政治、加息、經濟發展好多因素影響。」整體而言,施永青認為政策是有利和積極,可幫助到本來首期不足的市民上車。

密切留意BossMind動向!立即CLS

FB     Instagram    Youtube

BossMind
 | 2022.02.23
分享這個帖子
文章精選