睇樓大JAY級丨詹Sir教你家居對抗Omicron 醒你4招防疫貼士 驗收日出康城Grand Marini三房 發現下面鬆咗

睇樓大JAY級丨詹Sir教你家居對抗Omicron 醒你4招防疫貼士 驗收日出康城Grand Marini三房 發現下面鬆咗

Jay | 2022.03.16

詹Sir今次與BossMind去到會德豐地產日出康城新盤Grand Marini,一個高層實用面積800方呎單位驗樓,疫情嚴峻,今次除了驗樓,詹Sir還有4招防疫貼士,教你家居對抗omicron!

 
 

第1招 浸浴後勿心急 唔好拔走水塞

詹Sir突然大聲地說:「閂窗! 開啟所有抽氣扇!」因為當一個地方密封的時候,就會有空氣抽走,有空氣補充,浸浴之後放水時盡量不要將一整條水塞將它拔出,如果拔走浴缸水塞的時候,就會透過地台去水做空氣補充,就會有外來空氣進來。 詹Sir表示:「呢啲水管係通去污水渠,如果附近有人感染,病毒就有機會走入來,呢個時候要選擇一個窗戶去開,如果呢個主人廁窗打開,你會見到對面周邊佈滿屎渠、氣喉,如果喉管漏水或漏氣,打開窗戶的話氣體有機會入屋。」 

詹Sir建議,要選擇一個沒有污染源的窗戶,以單位主人廁為例,可以開主人房向海邊的窗戶,在這個窗戶補充空氣就不會中招。 

第2招 地台去水 定期注水

地台去水有兩種隔氣,現時普遍新盤的隔氣是有一條內管,詹Sir指收樓的時候檢查清楚有沒有內管,有的話就沒事。他續指:「可以的話就拔出來睇睇,有時內管會用一條橡筋扎住,有時橡筋係會斷,最好檢查清楚。」

而一般舊式隔氣就要定期倒水,最好一星期到一次,有時乾燥天氣會乾得快一點,就要倒水到得多一點,倒清水或1比99漂白水都可以。

第3招 居家隔離不出戶 學識技巧去開門

現時部份市民工在居家隔離,詹Sir表示,如果開門動作太大,容易令病菌一定吹到其他地方,所以開門要溫柔一點,盡量輕力,這樣相對風量較少,吹出來的病菌都不會太大。

第4招 大門門罅漏風 露台空氣補充

當單位打開抽氣扇、抽油煙機後,關上所有窗戶的時候空氣抽走自然有空氣補充,大門門罅隙就是其中一個補充空氣的地方,而詹Sir現場用紙巾測試,門罅的風將紙巾吹起。詹Sir指:「除非你肯定,成條走廊係冇污染物,咁可以就可以喺呢度補充,如果唔肯定的話,我建議打開露台門或一些開揚的窗戶去補充空氣,咁這邊走廊就唔會有空氣補充入來。」

單位驗樓分數88分

貼士就看到這裡,至於驗收單位問題,記者一踏上地板,就大叫:「詹Sir,下面鬆咗!」原來是地板鬆,踩上去不斷有響聲,詹Sir表示,跟天氣和濕度有關:「熱脹冷縮所造成,因為地板有兩種情況一個係温度,另一個係潮濕,前兩日相對濕度去到100% ,所以地板吸濕後會有膨脹令到地板拱起同有聲響。其實歸根究底係因為發展商冇同業主留罅隙,如果留少少罅隙走盞,就不會拱起,宜家最好就係一整行加釘加固。」 

其餘問題有主人廁分水掣壞、石材崩以及玻璃有氣泡等等,單位有88分。發展商回應,相關瑕疵已經進行跟進執修,預計將於3月20日或之前完成。


密切留意BossMind動向!立即CLS

FB     Instagram    Youtube

睇樓大JAY級丨詹Sir教你家居對抗Omicron 醒你4招防疫貼士 驗收日出康城Grand Marini三房 發現下面鬆咗
Jay
 | 2022.03.16

有樓冇樓一樣要睇樓!唔理殘爛散定過億大宅,Jay喺BossMind都會同你發掘更多樓市資訊,最重要都係睇我!睇我!睇我!

分享這個帖子
文章精選