睇樓大JAY級丨男友不在家 隻身入售價處 隔空決定660萬買元朗瑧頤最後一件撻定貨 貼心女友:係海底撈月

睇樓大JAY級丨男友不在家 隻身入售價處 隔空決定660萬買元朗瑧頤最後一件撻定貨 貼心女友:係海底撈月

Jay | 2022.03.07

去年8月, 新世界元朗十八鄉路新盤瑧頤,連續錄得22宗撻定,之後再度推出重售,最後即日全數沽清,而我們今天要睇的單位,就是22個裏面是其中一個,主角阿Hei跟Charmaine更表示:「係海底撈月!」買入最後一件撻定貨。

 
 

拍拖3年的阿Hei跟Charmaine,他們都坦言的確是大使,疫情未發生之前一年去四次旅行,喜歡吃喝玩樂,錢都是隨心儲,但疫情發生之後,二人儲錢就儲多了,所以都心思思決定結婚前買樓,去年8月阿Hei還在內地工作 ,買樓這件人生大事,就透過電話同Charmaine共同完成。

Charmaine表示:「因為其實仲有另一樣人生大事,就係結婚,我哋都心急想快啲有自己安樂窩,見呢個樓盤又新又幾靚,加上我本身住元朗阿Hei就住港島,因為元朗近我媽媽,所以就住元朗。」問到阿Hei為何放棄居住非常方便的港島區,他笑稱:「係因為愛啊哈利!雖然交通都唔太方便,但我習慣啦!」

二人去年6月開始睇樓,本來心儀Yoho附近的舊樓,因為鄰近Charmaine家人:「嗰啲舊樓價位大約四百幾萬元,之後地產經紀朋友介紹,叫我唔好買舊樓,又要裝修好麻煩。 之後佢就向我推介瑧頤,係2019年新世界推出的新樓盤,當時有20幾個撻定盤,代理就同我講今次的價單同2019年價錢係一樣冇加價,可以去睇睇。我都睇過元朗區二手,采葉庭、映御一房都要600幾萬元,當時就覺得新樓600多萬的話,又唔收佣金都ok啊!」

記者問到,當時連續22宗撻訂,有沒有去想過原因?Charmaine指:「代理就話呢啲人上唔到會 ,通常都係以為自己上到會,但最後唔得,而我哋都有計算過係可以通過壓力測試,唔會出現呢個問題。」

由於阿Hei當時仍在內地工作,Charmaine唯有隻身入售樓現場:「我哋係衝動、心急的,星期四睇完示範單位之後,星期六就要去抽,首先我當日去到現場見到好長一條隊,唔知係做勢定有人說可能有媒 ,地產代理係非常緊張,我見到第1號籌成功買入之後,個代理真係會叫yes,之後通常代理會叫你揀選首三名心水單位,我本身的心水是一房連天台,因為他價錢係600萬元以下 稅率會較低 ,另外特色單位第二個心水已經係A8室兩房,但最後都冇,真係海底撈月,我哋抽既時候係50號籌,最後只剩低呢個單位,當時阿Hei喺內地,我就聯絡佢,係咪真係買,一樓嚟,佢都覺得要買。」

做決定的一刻是大壓力的,Charmaine坦言:「當時係有壓力,喺嗰個氣氛之下,代理不斷同我講快點簽好文件入去,唔買就冇架啦,係不斷被代理轟炸既壓力,我同我男朋友討論期間都冇唔喜歡呢個單位 ,有考慮過既係,呢個價錢喺元朗區可以買到咩單位。」

最後衡量過都是決定買,以約660萬元買入低層兩房單位自住,成功上會。其實隔空決定買樓,大家都頂住壓力,阿Hei跟Charmaine 買樓結婚兩件人生大事一齊來,而且最後成功上會又不用靠屋企人,這個結果可以說是完滿。


密切留意BossMind動向!立即CLS

FB     Instagram    Youtube

睇樓大JAY級丨男友不在家 隻身入售價處 隔空決定660萬買元朗瑧頤最後一件撻定貨 貼心女友:係海底撈月
Jay
 | 2022.03.07

有樓冇樓一樣要睇樓!唔理殘爛散定過億大宅,Jay喺BossMind都會同你發掘更多樓市資訊,最重要都係睇我!睇我!睇我!

分享這個帖子
文章精選