新居屋2022丨白表單人中頭籌未必揀到心頭好 有個組別頭16粒珠都得有揀!

新居屋2022丨白表單人中頭籌未必揀到心頭好 有個組別頭16粒珠都得有揀!

Jay | 2022.06.14

「居屋2022」及「白居二」已於周一(13日)公佈攪珠結果,房委會已於網站公佈白表及綠表兩份揀樓次序文件,有人說:「抽中居屋,開心過中六合彩!」然而,可能用盡一生的運氣去抽中的頭籌,都未必揀到心頭好,因為優先揀樓有兩組在前面!今次接獲約25.5萬份申請,超額認購約27倍,綠表和白表將會以4比6作分配,公屋聯會總幹事招國偉統計今次申請宗數,預算出每個組別獲邀揀樓的機會率。


公屋聯會總幹事招國偉


重建戶組別最優先

招國偉表示:「重建戶係最優先,即使今次籌號較後都可以優先揀樓,因為有較為急切的需要。」今次會有白田邨第9、第10、第11及第13座公屋清拆計劃影響的家庭申請者最優先,其次就是石籬中轉屋第10及第11座清拆計劃影響的合資格家庭申請者,但招國偉指出,根據過去經驗重建戶申請者數量不多:「上一期白田村申請者唔多,我估計今次最多都係一百幾十個申請,因為唔係全部重建戶會願意去買居屋。」

家有長者白表首16粒珠也可揀

第三優先就是家有長者組別,招國偉表示為配額制:「房委會按照該期單位數量三成,撥予綠表及白表家有長者組別,以今期約9,000伙為例,家有長者組別會有2,700個配額。」他統計,該組別綠表申請宗數是20,866宗,除以100組,即是每組揀樓人數約209人,再計算綠表配額1080個,即是首5粒珠,好大機會獲邀揀樓,分別是00、47、08、11、29。

由於綠表和白表以4比6作分配,今期家有長者白表組別配額為1,620個,申請宗數為10,021宗,每組揀樓人數約100人,比例上較綠表優勝,所以招國偉指出首16粒珠都有大機會獲邀揀樓,分別是00、47、08、11、29、16、09、72、64、36、63、21、45、76、73、01。

綠表家庭申請首5粒珠有機會

今次綠表家庭,每組揀樓人數約388人,申請宗數為38,797宗,首6粒珠有機會獲邀揀樓,分別是00、47、08、11、29、16。

白表核心家庭及白表非核心家庭,申請宗數合共72,561宗,每組揀樓人數約595人,首5粒珠有機會獲邀揀樓,分別是00、47、08、11、29。

白表一人申請頭籌未必有得揀

一人申請是今次最多申請亦是排在最後揀樓之組別,招國偉指:「一人申請綠表有8,904宗,白表有成127,539宗,係咁多個組別之中最多申請,而一人組別仲要得900個配額。」他續指,一人綠表申請都尚有機會,首4粒珠都仍有獲邀揀樓機會,分別是00、47、08、11。

白表一人申請機會更微,招國偉坦言:「一人申請者已經唔係揀樓,而係買定唔買,因為已經係到最後選擇唔多,如果係頭籌第一個號碼,咁岩係頭段揀樓時間都仲有機會揀樓。」即是說即使頭籌是00號,都未必有揀樓機會。

密切留意BossMind動向!立即CLS

FB     Instagram    Youtube

新居屋2022丨白表單人中頭籌未必揀到心頭好  有個組別頭16粒珠都得有揀!
Jay
 | 2022.06.14

有樓冇樓一樣要睇樓!唔理殘爛散定過億大宅,Jay喺BossMind都會同你發掘更多樓市資訊,最重要都係睇我!睇我!睇我!

分享這個帖子
文章精選