舖睇得明|未來地產師之穿梭虛擬界|鄭得明

舖睇得明|未來地產師之穿梭虛擬界|鄭得明

鄭得明 | 2022.03.22

Basil聽到優美的音樂和小鳥啾啾的歌聲,油然而醒。每朝起來都覺得身心舒泰,充滿幸福感,令人壓力全消,此morning call舒緩身心程式是腦內植入晶片的眾多功能之一。Basil伸伸懶腰梳洗後,馬上食早點,因為今天有客人預約了用VR形式經METAVERSE覆睇幾間實體舖,再望多次內籠情況和附近街道人流,基本上就可以落實交易了。

Basil匆匆吃完,掛上VR眼鏡,馬上瞬移到METAVERSE場景,即時見到一身「奇異博士」打扮嘅客人李先生。「奇異嘅李博士,好多謝你保護地球,免被其他維度入侵。你今天打扮好勇猛,連主角都冇你著得咁有型。」Basil以拱手禮打招呼並誇讚一番。一向係奇異博士忠實狂迷嘅貴客李生聽到好滿足,謙遜兩句,「喺A345-1b區名店街買嘅,特價只用咗2個E幣啫,仲有好多其他唔同嘅款,你都去買啦!」李先生侃侃而談。「好!我都想買相近嘅靚衫,因為而家你見到我呢套都著咗好耐了。事不宜遲,我哋做正經嘢先,馬上移去A地點先!」Basil不忘做生意先係重點。

轉眼間A,B,C三個舖都覆睇完畢,同李生分析返三個舖各有優點,再用AR功能加咗好多設計效果,貴客考慮完決定揀B舖傾價錢。「明智,我都覺得B舖最好,不如你先瞬移去名店街shopping下等我。」Basil附和。李生:「我都係轉去唱K等你,因為我有班美國同新加坡的朋友在遊樂區唱緊K,而家先畀個位置數字定位你先,一陣過嚟搵返我。」「收到,玩得開心啲。」Basil 微笑說。

與李生告別後Basil即時轉場景去同B舖業主傾價錢,經過一小時拉鋸和來回遊樂區K場遊說李生提價,終於傾掂。李生隨即用瞳孔電子認證簽署,再用Meta Mask虛擬錢包轉1000個E幣完成交易,同時支付10個E幣佣金。Basil馬上跳場景將虛擬合約交到房地產交易局登記擁有權在區塊鏈上。打蛇隨棍上,再問貴客李生:「其實你買咗實體地舖,應該要考慮買埋METAVERSE同地址嘅虛擬地舖結為一套,將來賣會更統一,升值能力更高,如果你有興趣我即時瞬移搵虛擬地舖業主傾!」李生覺得有得諗,畀咗口價Basil 揾業主,結果順利成交,又造就實體和虛擬串燒舖位物業。(其實內情係Basil每次都會搵虛擬和現實物業地址同時放售嘅舖位大力推介,分分鐘好大機會做多單)。

完成兩單買賣收晒佣金E幣後,Basil將coins轉為港幣交回公司,會計部隨即拆佣轉帳給他。經思考後先保留一半在實體銀行,另一半轉為E幣存入Meta Mask Wallet用作投資買嘢。

此時實體開始感到肚餓,Basil 馬上用手機叫米芝蓮日本料理外賣獎勵下自己先,約五分鐘已有飛行器送到窗外,邊品嚐並計劃一陣食飽後,先去虛擬巴黎買個GUCCI公事包比自己角色打扮吓,保吓值先。事緣最近虛擬GUCCI都升咗一倍,同實體店一樣價錢。再去買返兩件虛擬型仔衫,畢竟角色成日都冇新衫著,感覺比較寒酸,亦睇啱咗RTFKT一對運動鞋,會噴藍色火焰,著住去遊樂區行街好鬼吸睛,加上係獨一無二,好有升值潛力,重頭戲係計劃去買塊917區地皮博升值,因為收到內幕貼士,某大發展商將會在附近920區購入一大片虛擬土地建造超級名店城,如果屬實一定水漲船高,到時會計劃將偷步購入嘅917區地皮建成一座廣告台收租先,預計當消息公佈後,分分鐘升幅幾倍,哈!到時賺咗E幣又可以轉回港幣買返間實體飲食舖收下租等升值,諗起都開心..

「哎呀!點解手臂咁痛嘅?」Basil慘叫一聲,耳邊響起媽媽責罵的聲音:「衰仔,瞓到黃朝百晏流曬口水,11點仲唔起身返工,今月仲未畀家用呀!」Basil慢慢清醒爬起身,望到電腦和吊在椅背的VR眼鏡,先察覺晚上長時間打機賺錢(play to earn),錯亂到仿似夢境成真,以為去咗虛擬+現實世界工作!

唉,都係要努力做返今天現實嘅代理工作,但我深信嚟緊10年內,遊戲+社交係人類基本需求,每天除左實體生命基本需要外,大部分時間將會投身在虛擬世界內。人們在地球村和網絡村穿梭往來,藉住玩遊戲昇華到全世界社交層面上,相信未來工商舖sales工作形式同我夢境內嘅發展係一樣嘅,之前喺Open sea買咗NFT投資都升咗唔少,等我今個月出咗佣金即刻去METAVERSE買定笪地皮博升值先...Basil 心中默默籌謀。(完)

鄭得明  利嘉閣地產商舖部高級營業董事

密切留意BossMind動向!立即CLS

FB     Instagram    Youtube

舖睇得明|未來地產師之穿梭虛擬界|鄭得明
鄭得明
 | 2022.03.22
分享這個帖子
文章精選