收市閒情|奇妙事不斷有!民企28億存款 不知情下遭質押|千頌C

收市閒情|奇妙事不斷有!民企28億存款 不知情下遭質押|千頌C

千頌C | 2021.10.26

中國奇妙事不斷有,呢兩日大陸有單新聞好癲。To sum up,就係有間公司,喺唔知情嘅情況下,俾銀行私自將戶口28億元存款,拎咗去抵押畀另一間唔關事嘅公司。被揭發後,銀行認錯之餘,再問多句,「你戶口仲有5億,不如押埋出去。」神奇!頂級!超卓。


先講講主角


存款公司:山禾藥業、恒生製藥,兩者均為濟民可信集團旗下

被擔保公司:華業石化

銀行:渤海銀行


話說2020年11月,華業石化搵渤海銀行借3億,於是渤海銀行無啦啦拎咗山禾藥業存款去做抵押;此後山禾藥業、恒生製藥陸續存錢,就被銀行私自拎去幫華業石化抵押,結果存款33億,有28億無啦啦押咗被銀行,幫華業石化做擔保。


事情係點敗露呢,就仲奇情!


今年8月19日,渤海銀行職員打電話去山禾藥業,話「有人將你啲存款去做抵押,想問你哋係咪真係想咁做?」當時山禾藥業就話,冇話要做抵押,仲要求銀行報警。之後,山禾藥業、恒生製藥就發現,提唔到錢,先知自己公司有28億元被抵押!


事情敗露,三個party就約出去,三口六面講清楚。根據錄音,銀行方面就承認,抵押存款前,係未有獲得存款者同意,又話今次係銀行有問題,對此表示歉意,不過離奇嘅事又發生了:


由於山禾藥業仲有5億元存款未被抵押,銀行竟然向山禾藥業母公司濟民可信集團要求,俾銀行繼續用呢筆錢,作為華業石化貸款抵押。


濟民可信集團錄音顯示,渤海銀行南京分行營業部總經理助理管鵬程表示:「不,你肯定會笑,說現在出現這種情況,我怎麼還能繼續給質押?一旦25號他續不上,您這邊一旦不給他做,還不了,逾期,我們銀行代付,第一時間,就會拿你們存單,你那邊報警,好,那整個存單28億全部凍結,你存單也拿不走,錢也拿不走。」


即係點呢,威脅!你打劫完我,俾我捉到,仲要我交埋剩返嘅錢俾你,如果唔係就攬炒,燒埋你間屋!咁濟民可信集團當然唔肯。咁都未夠,後來華業石化因為真係到期未找數,恒生製藥有4.5億存款無啦啦俾銀行扣起!


成單嘢真係好癲,目前濟民可信集團已報警。咁到底呢間華業石化係咩料?內地傳媒公司查冊,就發現母公司係中石油,中石油點會冇錢?事緣呢間公司冒充係中石油附屬去開公司!


成件事,係有人開間假央企去借錢,再是但搵間公司,不經同意下做抵押,最後億億聲咁借,CLS騙局。


By千頌C
FB專頁



——————

密切留意BossMind動向!立即CLS

▴FB

▴Instagram

▴Youtube

千頌C
 | 2021.10.26
分享這個帖子
文章精選
東阿阿膠 華潤藥業 |何車