舖睇得明|人生第一次買樓 做了7日業主(上)|鄭得明

舖睇得明|人生第一次買樓 做了7日業主(上)|鄭得明

鄭得明 | 2021.09.07

閱讀全文,歡迎加入會員

已是會員? 登入帳號

我做咗地產代理廿幾年,但其實我第一份工係從事酒店業,因為當時酒店業如日方中,年終4、5個月花紅係常態。直到三年後有一天...…

家人買咗層私樓,食入伙飯後,阿哥同我講:「你喺香港生活,長遠都需要買樓,一來升值,二來當儲錢,趁現在樓價唔太高,可以嘗試入市,自住放租都可以。」當時年少冇咩主見,糊里糊塗就跟阿哥去相熟嘅地產代理行搵樓睇,當時地產行業良莠不齊,通街都係個體戶特色嘅地產代理行。

入咗間地產代理行,眼前有一位身懷六甲女士,暫且叫A女士。當時A女士打斜坐喺一張非常殘舊的寫字枱,右邊係佢老公掛住做水電維修嘅牌,一舖兩用。打個招呼,阿哥表明來意,A女士好熱情咁喺鎖匙箱揾咗3條鎖匙,簽張睇樓紙就去睇樓。

3層樓分別高、中、低層單位,一間低層連平台殘裝修,叫價65萬元;另一間中層城市景方向,叫價85萬元;最貴一間高層,部份望海景,單位幾靚裝修,要求唔高可以即刻入住,價錢最進取,索價105萬元。

半小時後睇完樓返回地產代理,A女士問我鐘意邊間。老實講,地球人都知道要揀高層單位啦,但貴吖嘛!我回答一定揀高層,可惜不夠錢,哈哈!A女士突然問我一個問題:「如果低層嗰間肯減價,我會唔會考慮?」我當然完全冇考慮過嗰間低層殘裝單位啦,因為裝修費都係返度。但令人意想唔到嘅結局係,我最後竟然簽紙買咗呢個單位,而且只係做咗7日業主咁大把!想知?下集同你講。

鄭得明
利嘉閣地產商舖部高級營業董事

——————

密切留意BossMind動向!立即CLS

▴FB

▴Instagram

▴Youtube

舖睇得明|人生第一次買樓 做了7日業主(上)|鄭得明
鄭得明
 | 2021.09.07
分享這個帖子
文章精選