明星NFT|港企推NFT 獲謝霆鋒加持 預告開實體俱樂部 強調唔係割韭菜 「霆鋒睇得好實」

明星NFT|港企推NFT 獲謝霆鋒加持 預告開實體俱樂部 強調唔係割韭菜 「霆鋒睇得好實」

BossMind | 2022.04.02

演藝界近期大吹NFT風,不少明星名人相繼推出NFT計劃,有人大賺,亦有人大蝕。繼周杰倫、陳冠希、杜汶澤以及余文樂等紛紛投入NFT市場後,最新連謝霆鋒也決定加入戰場,大搞NFT項目。旗下子品牌「鋒味同萌」宣佈與本地藝術公司「香腸星人研究所」合作,於4月推出NFT聯乘系列。「香腸星人研究所」聯合創辦人Benny強調今次項目並非「割韭菜」,而是會有真正的應用,希望令買家可以由虛擬世界連結到現實。


該項目《Hungry Sausages》共推出5,000個香腸星人NFT,其中分為五個不同程度的稀有等級,當中「鋒味同萌」聯乘系列共100個角色,亦屬於稀有級數。產品劃一定價每個0.15ETH。昨(1日)起白名單預售,並於4月4日在其官網及OpenSea公開發售。

NFT擁有者可做實體Clubhouse會員


「香腸星人研究所」聯合創辦人Benny
 

Benny指今次項目的其中一個吸引之處,是將NFT虛擬世界與現實結合,希望令買家有更好的體驗。公司7月會在灣仔開設共8,000多方呎的NFT實體俱樂部,屆時會有餐飲區、NFT展覽及藝術活動等。他指NFT就像Clubhouse的入場券般,持有者將可優先申請俱樂部會員。

近年市場上出現不少劣質NFT計劃,一些NFT團隊被指「Cap水」後就無下文。Benny強調,「 我哋唔係割韭菜,唔係賣完就算,而真係有應用。online同offline世界,會有相對應合。即係喺虛擬世界你有NFT;喺現實世界你有membership。」

謝霆鋒有份參與研究


鋒味控股聯合創辦人Derek

至於「鋒味同萌」代表鋒味控股聯合創辦人Derek,同時是女性資訊平台She.com創辦人。經營互聯網生意的他,看中NFT可以建立社區的優勢,將共同興趣的人組織起來。Derek分享由於自己較早認知NFT世界,所以向謝霆鋒介紹今次的合作項目,及後一起商量及研究。「霆鋒佢自己都有研究NFT,因為我自己做互聯網生意,早認知NFT,我當初同佢傾咗好耐呢件事。呢次合作,霆峰當然睇得好實啦,尤其鋒味嘅嘢佢都睇得好實,我哋晚晚都要開會傾。」

對於今次NFT項目有明星加持,是否會更受歡迎?Benny承認是如虎添翼,但強調項目受歡迎程度,取決於項目本身的理念及Roadmap是否得到投資者認可。Derek補充,以產品代言人為例,「有明星加持,係咪會賣得好啲?主要多啲人認識產品,多啲人想了解更多件產品。」他又指每一個NFT項目都要有獨立視野,「我同Benny都好清晰,今次NFT計劃以美食同藝術之間一個互動群體為目標。唔係嘅話,香腸星人就唔係搵鋒味同萌crossover,而係搵謝霆峰自己本人做crossover。」

項目涉資約數千萬元

Benny的公司今年成立,主要策劃藝術家展覽及活動,有見近年藝術界與NFT密不開分,公司聯合創辦人Benny也打鐵趁熱,加入NFT戰場。他除了經常統籌藝術項目,也是7間餐廳的老闆,其中一間是川菜館「紅花會」。近年開始著手研究NFT,認為blockchain是世界未來大勢。他坦言藉此NFT項目想找到一班志同道合的人,「近排睇到NFT可以係一個社區,想透過呢個媒界,吸納一班鍾意食嘢同時又鍾藝術收藏嘅潮流喜好者。」在創造角色時團隊希望與餐飲業相連,於是想到以腸仔作為故事藍本。

Benny透露,整個NFT計劃涉資約數千萬元,團隊參與人數超過100人。對於推出的5,000個NFT產品,很大信心一定沽清,「因為預售嘅white list(白名單)好快已經被搶晒,同埋第一日出鋒味同萌合作報道後,同一日Discord人數增加咗兩萬幾人,反應好好。」

指NFT項目roadmap要貼地

對於一個好的NFT項目,Benny認為要有一系列詳盡roadmap。「好多NFT項目roadmap好離地,to the moon咁濟,而我哋係喺能力範圍內做到出嚟。」在陸續發行第一階段NFT系列後,公司準備籌備下階段,即推出香腸星人Art Toys,與更多知名品牌crossover,也會在俱樂部大搞活動,例如NFT展覽、NFT藝術家即席Art Battle等等,未來亦有計劃將clubhouse擴展至新加坡。

密切留意BossMind動向!立即CLS

FB     Instagram    Youtube

BossMind
 | 2022.04.02
分享這個帖子
文章精選