樓市下跌，代理難撈。觀塘有一間小型代理行以「買樓送必理痛」、「獨家放盤5折佣金」作招徠，惟只限麗港城業主及買家。搞這個噱頭的代理行港聯置業執行董事方健勝接受BossMind訪問表示：「我啲必理痛都係炒價買返來，200蚊一排24粒，同正價應該相差一倍呱!」
方健勝表示，今年二手交投下跌，他的代理行都難以獨善其身，今年經營額料按年跌30%，「經營情況係差咗，但唔會好似中原美聯用二、三十萬搶個舖返來，我哋都是租幾萬蚊嘅舖。我哋佣金可以減，經營其實簡單啲，成本比較大行低，惟獨廣告費就唔會好似大行咁，無能力好似中原美聯喺財經apps落廣告，我哋實質啲點對點。佣金大行唔會減咁多，我哋純粹想拿返個市佔率，佣金有折頭最實質。」
對於減佣策略，他回應：「我哋呢區，十年前已經有行家喺代理行門口貼半佣貼咗10年，我覺得而家減佣最實際，我只係跟風，唔係我開始嘅，租就7折，買賣就5折，不過我係送多咗藥咁解。」
