首先要講嘅係今晚除夕美股會正常交易，截至隔晚三大指數收住20%+回報。回望2021年股票市場，除指數以外，今年美股中伏率一啲都唔低。
再睇埋有名嘅對沖基金年內回報，就感受到今年並不輕鬆易贏，橋水(Bridgewater Pure Alpha II)、Tiger Global、Viking Global Equities等回報不過3%。
環眼美股市場，100億樓上個股年內回報排名第依次為13倍股AMC、7倍GME 及4倍CAR。單睇結果的話，或者以為人人贏大錢，不過呢3隻股票全部都較最高位回50%以上。而大家都心中有數，高位買的話，返家鄉可能性有幾微。
要講到真正帶嚟財富增值股票，500億樓上而現價距離高位唔夠10%個股，FTNT升1.4倍、AMAT升8成、MRVL升8成。
而事實上大型科技股FAANG+M+T當中，除AMZN失色外，幾乎每隻都能夠跑贏大市。而N for NVDA去睇，回報125%屬於大價股中最出色。
至於隔晚中概年結大反彈，帶來一絲安慰，中概ETF KWEB全年跌51％，同事戲言今年有科指反向ETF 7552可以跑贏美股。
來年加息周期啟動之下會點行？有參與開美股嘅戰友或者會感受到，股市往往不死，中間個股會輪流炒，但想諗住大跌未免得不嘗失，只係炒法/Trend有改變，視乎自己能否把握得住。