近期整體美股都連到血流成河，除商品受俄烏局勢帶動，基本上得能源板塊有得炒。係就係有炒風，但當隻隻都急升一輪後，入場位就好似一般般。不過，如果你信股神畢菲特的話，就有另一翻睇法，最後一口貨$56買西方石油(OXY)，等同現價水平，擺明唔怕摸頂。
翻查13G form4等通告，巴郡在2022年開始買OXY，初頭慢慢收集到3000萬股。後來去到3月2日開始就狂掃6000萬股，根據form 4巴郡由47美元買到去56.28美元。年內至今，一共收集逾9000萬股，或市值50億美元左右。
上述操作，可以話幾估你唔到，特別你股神早前先呻完話市場無乜嘢好買，轉個頭去追貨。而當畢菲特會買時，大家就唔會覺得56美元就完啦。
其中一個合理推論，OXY睇油價每升1蚊，正現金流就多2.25億，年頭至今油價由唔夠80美元，升到最近120美元水平，假如keep住的話，隨時多90億美金。似乎呢單OXY deal反映緊股神睇油股無咁易回落。
而佢手上一筆價值100億美元嘅OXY優先股係點嚟？以及逾8000萬股認購證，行使價59.6美元，似乎都講緊個故事未完。片入面同大家講神同人，同老散的分別。