油價靜靜地行咗一個月後，因歐洲制裁俄羅斯原油升級以及上海解封，油股又再成為近日焦點。不過隔晚油價及油價先升後回反應，就有少少令人覺得短線好消息似乎出得七七八八。
短線︰
新聞背景帶來的好消息基本已經消化，反而睇期貨市場，例如紐約期貨合約去睇，未平倉合約一直萎縮，當中部份原因為券商要求提高margin安全系數，另一邊亦反映持貨意願下降，或者想避一避短線被挾高挾低。
中線︰
摩通數據反映油公司油股內部人士瘋狂掟貨，而且往績反正內部人士食糊潮與油價高位相當吻合，包括08年、12年及今年，未必反映即時見頂，但個人認為等一等調整會更健康。
長線︰
長線就睇到一份標題好吸引的報告，”What if…Energy dominate for a decade，萬一油價有排升的話，睇睇入面對於幾間英國油公司，保守去計仍然有幾成的潛在升幅