隔晚美股進行例行的板塊輪動，科技股大冧時，道指表現唔錯升0.6%。新聞主題係講緊聯儲局今晚凌晨會公佈最新會議記錄，加快停買債及估今年加息3次後，可能再有「縮表」擔憂。
所謂縮減資產負債表即係QE買債嘅相反，目前狀態係3月就會停買債，即係無增無減。而自疫情後聯儲局資產負債表增加4萬億至8.8萬億美元，下一步會維持定減呢？WSJ報道話聯儲局將考慮會縮表，作為控制高通賬的政策之一。
而今晚凌晨3點會公佈上個月會議記錄，等市場去理解多啲幾時加息及收水時間表。
個人睇法錯誤嘅係認為堆政策影響已經八八九九，部份高估值增長股接連穿底，包括係AFRM、NET及SE，以及唔少中小型科技都嘔返聖誕反彈浪的升幅，暫時諗法傾向係捱一捱價，睇埋今晚收市。
另一方面，望過去傳統車Ford、General Motors及Toyota分別升7%至11%不等﹔連同油相關嘅OXY、CTRA及FANG領先大市。