內地公佈防疫「二十條」和「新十條」後，市場憧憬中港復常在望，近日更有傳明年初有望重新通關。而香港旅客人數近月已有明顯增長，10月份總訪港旅客人次達8萬幾，但仍較疫情前每月5、600萬旅客人次相距甚遠，但相信中港重新通關後，內地旅客會陸續返嚟，旅客人數會持續復甦。
旅客重臨，上一篇專欄已講過商場收租股及消費股定能受惠。不過，若然中港順利通關，相信香港同澳門之間也會重新通關，濠賭股亦會直接受惠。濠賭股在低位盤整咗長達1年半啲時間，近日終於出現突破，相信升勢仍然有望維持，以銀娛（027）為例，若未有跌穿48元的蟹貨區，之後要飆上50、60元的水平相信並非難事。
內地人嚟香港買嘢掃貨之外，亦有唔少人專程嚟睇醫生，所以都唔好忽視本地醫療股。希瑪眼科（3309）近排已經突破250天線，投資者可分注吸納，止賺位先定於5.2元，再下一個高位定在6元及6.2元，跌穿3.8元才止蝕。
Ringo
資深投資者
https://www.facebook.com/ringo.fryroomboss
睇完Ringo分析，想再聽多啲？
立即報名「Ringo短線投資技術分析免費課程」
