睇樓大JAY級丨兔年當旺地區深水埗 兩房叫價408萬元 一梯一伙 有廚房後門

兔年第一條睇樓片，Jay揀咗香港其中一個最旺地區深水埗！2023年流年風水正財位喺南方，偏財位就喺西方，而深水埗區就係兔年當旺地區，因為呢區西南方有海，東北方望山正正旺丁又旺財，點可以唔睇呢區啲樓呢！千億地產翟暉航話，深水埗1月暫時錄得約17宗成交，今次睇一個距離深水埗1分鐘步程、實用面積384方呎，叫價408萬元嘅舊樓放盤，一梯一伙，仲有廚房後門！