美股大市指標標普500指數在一段長時間內，未試過連續兩日收低於50天線，紀錄維持超過200日，今晚大有機會斷纜。過去行之有效係因為買家願意逢跌就買Buy the Dip，今次似乎未見買家力量快速撐起個市，係咪有信心危機？
其中講法係恒大及港女會否輸出股災？個人認為影響有限，從銀碼角度去睇，恒大離岸債總值約1150億人仔，比較韓佬家族基金Archego個千億美元倉爆煲就小巫見大巫。最多可以話影響市場情緒，講咗好耐嘅調整終於借勢跌。
倉位跟進
如果手頭上無乜貨的話，就要睇實50天線會唔會快速收復及企穩，咁就係入貨時機，關鍵係企穩先買啦。
而著量減倉嘅我就會繼續捱打，多前推介的MTTR就建議先食半留半﹔SBLK想博突破失敗，最終都要認輸，無及早斬纜係近期做得好差嘅操作﹔留意AMD回到支持位105元水平，假如市況回穩，一直話想買嘅就可以一試﹔Affirm買嘅位置唔錯所以會守住先。
焦點業績
Nike(NKE)自上季業績後gap up 15%，受惠中國市場欣欣向榮，後隨後自8月後回落一成，所制於越南疫情影響供應鏈，有報道指部份Nike工廠需要停工。翻查數據，Nike有近半波鞋在越南生產，萬一管理層講到影響聖誕節供貨就大件事。
——————
密切留意BossMind動向！立即CLS