呢兩日有港人FB出post，發現自己經宣明會助養10年嘅小朋友，而家又煙又酒又跑車。佢IG DM呢個男仔，仲話係自己賺錢讀書，ol2話宣明會造假，屋企人根本唔知有助養，搞笑嘅係，講講吓個男仔又叫事主俾返錢佢。呢啲情況，我又走去隨機睇幾間比慈善機構年報，分別係樂施會、無國界醫生、救助兒童會、宣明會、公益金。宣明會係五間之中，捐款收入最高嘅慈善機構，達8.4億元；而且有92％嘅支出，claim係去咗慈善項目度。至於經營效益，純以數字上去睇，亦係五間之中最好：
行政佔開支只係2.4%，係五間之中比例最低；籌款開支比例亦算低，只係3.6%。每1蚊籌款開支，可以帶來28蚊嘅捐款，就算計埋行政開支，都有17蚊，資金運用係5間之冠。
第二間經營得比較有效益嘅係公益金，亦有近九成嘅開支係去咗項目度，雖然行政開支達7％，但佢籌款開支好低，兩者加埋都只係佔全年開支10％左右；而佢而每1蚊籌款開支，可以帶來28蚊嘅捐款。
至於無國界醫生，帳面上，OK啦，不過我兩年前大約呢個月份，就已決定已取消月捐了。另外兩間嘅數，就大家自己睇完，自行判斷啦。
宣明會數字表現係還好，但到底係唔係因為行政開支壓得太低，令佢哋監管唔到資金去向？就係另一個問題啦。而宣明會亦唔係第一次出事，之前試話助養人收助養兒童近照，發現一係重覆，一係返老還童，然後個so call小朋友，睇幾年都係同一本書，之後就解釋，「Sorry，貼錯相。」
by千頌CFB專頁
－－－－－－－－－－－－－－－－
密切留意BossMind動向！立即CLS
