公司密鑼緊鼓成立新品牌，遠赴東南亞又視察又了解又開會非常忙亂，但萬萬想不到旅程終結一天竟然最多收穫，因為作為一個英明果斷、思想前衛的老細，我決定選擇一個以前從來冇人選擇過的地方team-building，那就是九成港女最愛的主題樂園——愛馬仕。
這次team-building的最大objective就是讓兩位共事多年的女同事相信，雖然這個城市比起香港遠遠落後，但只要我們策略得宜知人善任，就算大落後也可以創造奇蹟。
負責管數的女同事L打個呵欠說 (唔係佢冇禮貌而係呢幾日佢真係疲累不堪)：「不如我哋諗吓今日最後一日去邊度食餐好少少仲好啦。」
就是這樣我們一行四人 (兩男兩女) 去了這個城市 (sorry我真係唔講得呢個城市喺邊度，遲啲你就會知點解) 一個比較繁榮的地段，來到一間比香港半島更高雅的酒店吃午飯。點菜之後，負責營運的女同事M說：「估唔到呢個city都有Hermes。」
酒店佔地廣闊，裏面有多個國際品牌，其中一個便是愛馬仕。
「食完晏入去望吓囉」，我吃一口春卷。
「唔使嘥時間啦」，女同事M反眼，「都唔會有袋㗎啦。」
「愛馬仕唔係賣bag㗎咩？」來自馬拉西亞的男同事帶著一口馬拉鄉音問，「點會no bag呀。」
兩位女同事用了短短半小時，把愛馬仕的每個手袋名字和這個曖昧的配貨規則簡單陳述了一次，總之要買袋，尤其是那個甚麽Birkin和Kelly，就需要慢慢培養感情，一步不可能登天，冇番一頭半個月同個SA(愛馬仕的銷售員叫SA) 培養吓感情都冇可能有袋。
「吓？」我覺得難以置信，「咁即係冇人可以一走入去就配到個Birkin同埋Kelly咩？」「是但配到一個？發夢都唔敢。」
我不懂甚麼配貨遊戲，但對一盤生意如何營運都略知一二，生意是人話事不是貨話事。
貨沒有弱點，人有弱點，我們不要把重點放在貨而應該把重點放在人。
「陣間我哋幾個男人落去舖頭行個圈先，」我跟兩位女同事說，「有袋買嗰陣就會call 你哋落嚟，記住聽電話。」
兩位女同事擺明當我廢噏，其中一位說：「我哋陣間去附近按摩，你哋行完再電聯啦。」
我們兩個男人走入這間號稱世界第一名店，發現一個顧客也沒有，裏面的幾位SA看見我們清一色男人並沒有顯得太過驚訝。
正當一位個子高挑的SA準備走過來展開對話之際，我示意其中一位男同事主動走過去另一位個子較矮的SA主動出擊。
個子高那位看起來太強悍，個子矮那位對我們的男同事目不轉睛，so much more approachable。
“Hi, Can we get a Birkin?” 男同事直接問。
這句直接得仿佛是你走入少林寺然後毫不掩飾地問其中一位十八銅人「我們可以取走你的易筋經嗎」，結果當然是收到一句「施主請回」。”Sorry we don’t have Birkin today.”
意料之内的回應。
根據我走入店前僅有的三分鐘做過的research，愛馬仕是不賣手袋的。
就正如。
法拉利賣的不是跑車，而是速度。
Nike賣的不是波鞋，而是動力。
麥當勞賣的不是漢堡包，而是歡樂時光。
而愛馬仕賣的。
不是手袋，而是品味。
所以我走入愛馬仕之前對這位來自馬拉的男同事只有一個指示：show you have taste。他聽到人家說沒有Birkin之後，便說：”It’s ok. Last time I went to a gallery in Prague and asked for a painting, they said they didn’t have it either. ”
同事嘗試把自己塑造成一個art collector以展示品味，但那位SA只是微笑點頭，並沒有太大反應。作為《英識教育》的一份子，這位同事又怎會輕言放棄？他繼續死纏不放，終於，過了大概半小時，成功了。同事走過來說了一個我不明白的數字：「二十萬，你叫佢哋過嚟啦。」
「咩二十萬呀？講咩呀你？」
「個SA話，配二十萬貨，就有Birkin。再配多二十萬，就有Kelly。」
我發了一個短訊給兩位女同事轉達，兩位女同事披頭散髮滿面按摩油九秒九後立刻出現。兩位女同事說，原來今時今日1比2是一個少之有少的配貨比例（通常都要去到 1:2.5），而且佢哋從來冇聽過一位SA會第一次見面就咁直接同你講個配貨比例，所以她們都非常好奇到底那位馬拉男同事對著那位SA說了甚麼。
原來。
男同事先畀咗幾張佢舉鐵做gym嘅相畀個SA睇。
跟住個SA話唔信佢可以舉到咁重嘅鐵，於是男同事就叫個SA篤吓佢舊二頭肌。
最後男同事問咗個SA一個問題：”You know what is the problem with a pair of beautiful eyes like yours? Those eyes are terrible at lying. So please tell me again. Can we get a Birkin?”
呢個故事想帶出嘅係。
Britannia賣的不是教育，而是希望。
陳思銘 Samuel Chan
https://www.facebook.com/ukchitchat
註：專欄作家言論不代表本網立場