著名驗樓師詹濟南每年都會做一個驗樓總結,2021年檢驗約40個新盤,不過粉絲覺得最過癮是一年一度的驗樓奇聞,而期內就有5單同大家開心分享:
奇聞一:吳公你好
詹Sir驗緊去水時,去水位竟然有條蜈蚣爬下爬下,就算用水射佢都沖佢唔走。
奇聞二:你摸我唔到既水匣
水匣掣置於單位窗邊外牆,伸手摸唔到,擺張梯亦唔可能,隨時跌落街釀成命案,而且亦唔夠位上落吊船,詹Sir話:「整個匣掣係度做咩呢!」
奇聞三:等你食早餐
全盤樓盤,打開焗爐入面竟然有一篤唔知係食過、食剩、食唔到嘅疑似芝士肉醬之類的東西。
奇聞四:光頭佬
在一條封口線上,出現咗刻字,上面寫住「死光頭」,究竟係咩令到刻上去嘅人有咁大怨氣!
奇聞五:迷你洗手盤
近年新盤越賣越細,百幾呎全新單位比比皆是,單位縮細,室內器皿都縮埋。其中一個單位的洗手盆仲細過詹Sir隻手掌。