隔晚聯儲局記者會上，鮑威爾講法幾乎隻字不差地乎合預期，加上市場早已開始消化加息4次至5次，好難講得上鷹。但點解個市興奮完半日即縮，最少以下兩個充滿不確定性嘅劇本，都不利市場實質反彈。
劇本一︰聯儲局今個月按兵不動，但萬一通脹真係企硬唔落點算？到時先大口大口快手咁加上去，就會打窒經濟及股市。就似大摩睇緊製造業PMI近一年持續收縮，再遇上高通脹就會大大獲，標指3800點見。
劇本二︰係被棄用嘅鷹派決定，認為唔好等到3月，要即刻決定停QE，個市跌咪由跌下先，快手交代清晰加息及收水路徑仲好。不過當中風險係如果通脹隨住供應鏈重回正軌，過早加息會影響經濟及就業市場，可能變成做多咗。
講到底，目前聯儲局並不是股市嘅朋友，喺通脹問題前面，理得你先跌得?10%(跌3成或者會friend返)。目前可以做嘅係同聯儲局一齊睇PCE通脹有幾多，香港時間21：30。
Tesla(TSLA)業績︰
Q4收入177億，經調整每股盈利$2.52，毛利率27.4%，全部超預期。Elon Musk預期2022年會輕鬆有50%增長，即使仍然有供應鏈問題。
值得留意係賣車部份毛利率上到30.6%，開始追近賣硬件最叻有34%毛利率嘅蘋果(AAPL)，經調整純利28.8億左右，imply大約係82倍PE，無咁天價。
另外，2022年無新車款，SEMI及平價25,000入門車仍然要繼續等。
半導體消息︰
AMD 350億收購Xilinx案，據報中國監管機構有條件地同意，股價分別先升後縮，另一邊嘅NVDA仍然未放棄收購ARM。
