美股試一試2月24日底後隨即有反彈，氣氛轉好，兼有俄烏談判進展及中概維穩，三大指數期貨指向連升第2日。
至於關鍵的聯儲局加息去向，將於今晚凌晨2點公佈議息結果，鮑威爾隨後會見記者。不過根據期貨市場走勢以及早前聽證會內容，今次會議加息0.25厘無乜懸念。
剩低問題就係年內總共加幾多次息？值得留意係儲局官員預測點陣圖中位數變化，市場預期介乎6至7次。同時，一直未有實際說法嘅縮減資產負債表，即係收水會點樣進行呢？兩項今晚需要睇嘅內容。
再跟進西方石油(OXY)，股神畢菲特第三度買入OXY，以均價56.6美元掃約2,710萬股，大約15億美元。增持行動之後，巴郡共持有1.18億股或12.6%西方石油。
不過由於原油價值急回落到100美元樓下，累OXY較高位回落逾10%見54.6美元，換句話股神第3注OXY賬面輸緊錢。
拉闊畫面去睇，正式有官方機構講到制裁俄油的影響，國際能源署IEA預期俄羅斯原油4月起產量減少300萬桶。
而石油輸出國組織OPEC+則無意因此而增產，沿用早前計劃，於4月輕輕增產40萬桶原油，堅持無供應短缺問題。EIA就話如果主要產油國唔增產的話，石油市場會供不應求。
結果就係預期貴油會拉低需求，由原本預期2022年需求會多每日310萬，縮到每日210萬桶，至每日9950萬桶。
