現時美股脆弱到只需300億的Snapchat就足以推冧市，持貨過業績簡直係不可能的任務。但同時亦都係最佳的淘弱留強過程，如果跌到夠平，質素又有保證的話，例如NVDA股價跌完一半係咪抵買？
短線
Nvidia(NVDA)股價較今年高位跌剩一半之後，同期的預測市盈率大幅收縮至30倍樓下，稱不上貴的同時，短線想見頂仍然要睇季績。
截至4月底的2023財年Q1，指引收入81億美元，正負2%誤差。當中佔4成收入的Gaming部份為市場重點，究竟後疫情及礦機需求下降因素會幾大影響。
正面去睇就有AMD的強心針係數據中心將會拉上補下，符合預期並不是太困難，甚至超預期又如何？
不過以Factset統計標普500指數業績前後股價表現去睇，今季盈利平均需要超預期20%以上，才會錄得正數回報。Beat 4成的話，才有2.9%回報。
中長線
Nvidia(NVDA)提出過未來1萬億收入大計，遊戲市場佔收入會減至1成。未來增長動力係依據數據中心業務再演化，包括係基本硬件、系統軟件及應用軟件部份。
故事仍然未改變，只係現時資金不是無成本，世上再無free money，投資增長股都需要講估值，講risk premium。
各大行就陸續調低預期，共識係2023財年每股盈利5.64，偏淡的大摩調低到去每股盈利5美元。
最後就視乎大家覺得PE值幾多，大摩睇NVDA值40倍見200美元，但目前市場trade緊30倍，即係大約150美元。
