華爾街戰線｜美股大上大落考驗點應對 無必要學ARKK撈底

從新聞嘅角度，鮑威爾幾明確及令人意外地提出要加快收水，變相有條件加快加息，未賺到錢高增長股最先被拋售。只係幾意外地，等咗大半日先開始有反應，今日叫做暫時破燈講吓，可以講吓即市同應對。
如果以20%作牛熊分界線的話，早前一堆熱炒科技股已經步入熊市（表在留言），有買就有輸，回歸基本步唔好俾美股寵壞晒，一向都係高風高回報，無時間打理的話指數ETF如QQQ會更好。
從技術指標，納指只得27%成份股高於200天線﹔保持uptrend的股票($>20D>50D>200D)過去一直大約有500至600隻，最新縮減到100隻。結合新聞及技術指標，配合自己倉位控制，得出的反應人人唔同，個人做法係清倉先觀察後行動。
而過程中要搞清楚自己屬於邊類投資者﹐無話絕對啱定題，例如ARKK型撈底搵價值﹔QQQ型in big tech, I trust﹔杜昇呢類10上10落型。
最重要係因應市況而調整計劃，唔敢話ARKK一定玩完，但有無必要陪隻ZM、TDOC及ROKU去尋底？最少一般散戶無咁嘅耐性，亦都唔需要花咁多時間成本去證明自己睇法正確。
QQQ型背後諗法係將保留強者，淘汰弱者。強者如AAPL至NVDA等可以cover其他細細隻輸足九成的股票，個理念係值得跟，但就要打散倉位去配合。
而個人就希望喺市況配合時搵優質強勢股，可以有睇法，不過一旦市況逆轉就唔需要留戀及堅持對或錯。
個人睇法及預期︰如果參考今年2月債息急升(同樣因加息預期升溫跌)，放返落今次調整去睇，似乎未有咁快完。
弱弱地一句，相信最後有部份股票會爬返上水面，亦有部份會被市場離棄。最佳例子係AMZN曾幾何時都跌過九成﹔AAPL試過兩次跌八成﹔TSLA都隊過六成。
可以做嘅係睇多啲，令自己錯嘅時候輸少啲，強勢股會慢慢浮上水面，或者繼續留意呢個page同大家睇，適時會更新睇法，更重要更新埋個做法，贏輸都講。