歐美制裁俄羅斯總係遮遮掩掩嘅原因，講到底就係需要俄國能源。拜登講完一輪禁止俄國主要銀行使用美元等主要貨幣能力，但最尾都仍然補返句保持能源交易結算。股票市場隨即反彈，兩次記者會都有同樣反應。
根據哥倫比亞大學Adam Tooze講到，只要同能源相關，搵一間非受制裁及非美國銀行經手就可以，舉個例係某一間歐洲銀行，更可況要成個歐洲同意嘅SWIFT式制裁。
假如美國能源自給自足
集中講點解美國搞到咁被動，粗暴一句講總統唔同。2020年美國大選其間，拜登鬼拍口尾枕，彈出彈入咁暗示禁止國內生產頁岩油。喺選舉輪壇都否認，仲叫Trump拎證據，事後有人剪起晒出嚟擺上YouTube。(主觀相信不是fake)
頁岩油係高油價時間產物，2011年油價突破100美元，市場開始擔心油價會上到200美元時期開始盛行，最終就因為有頁岩油而無出現200蚊一桶油。
及後又經歷一段時間，油組OPEC及俄羅斯聯手對付美國頁岩油，將油價拉低到去36美元，一個俄羅斯自己都無賺錢嘅價位，務求令美國頁岩油破產。
對於當時頁岩油公司而言總算捱得過，因為技術已經增步到去喺油價低至50美元仍然賺到錢。
不過最終結果就係頁岩油公司，先係2020年經歷疫情時期負油價，再受到新一任拜登政府嚴格限制。拜登政府好政治正確地想擺脫石化能源，原因包括係認為頁岩油係有危害環境，同時就令曾經成為石油輸出國嘅美國，變成只將被動地要求人哋增產。
而巧合地，俄羅斯入侵克里米亞正值油價處於100美元樓上嘅2014年，2022年嘅今日紐約期油最新報93美元。
假如係Donald Trump
如果係Trump的話，睇返當年辯論，「we are energy independent for the first time, we don’t need all these countries we had to flight war of 」，好多可能一樣阻止唔同俄烏局勢，但至少唔使開個窿出嚟同俄羅斯交易。
講返市況，對於股票市場而言，無任何公義可言，只要烏克蘭快趣舉手投降，歐美唔需要擴大制裁，減少不確定性，股市就有機會彈完企得穩。
然後好快就會重新聚焦通脹及加息議題，最新聯儲局各官員繼續放風，Waller認為加息50點子仍然有可能，咁就係後話。
