最近美股好似由交由普京大帝揸莊，一句打定唔打，就足令市況天翻地覆。不過就住美股往績而言，就並不支持呢套說法，遠在烏克蘭發生戰爭，影響照計就有限。
所以個人傾向歸類為市況敏感，烏俄戰爭可能只係病徵，一日個病因息口問題未明朗，市況仍然會波動。加上有今年多返淡友推波助瀾，低位買貨平淡倉快速挾升，想睇定啲都唔得。
正值同期，高盛調低標普500指數年底目標價，由5100點減至4900點，原因係10年債息原本睇緊年底先到2厘，但最近已經提早達陣。當中講法係盈利仍然保持到，但要因應調低估值水平，由早前預測市盈率22倍降至20倍。
個人操作方面，隔晚包括油股及農業化工股等強勢板塊遇到調整，究竟見咗高位，定係入場時機。同大家一齊認識農業化工股，同時小注參與吓今年強勢板塊，落咗一注$45 MOS，一注$390 DE。