短炒之神呂宇健又賺！今次是2月時同朋友食食下燒鵝時買入的深井浪翠園兩房單位，新近以429萬元沽出，持貨5個月，帳面賺79萬元或23％，目前短炒11個單位，全部獲利，帳面已賺超過1,200萬元。
市場消息稱，深井浪翠園3座高層C室，實用面積484方呎，兩房間隔，新近以429萬元成交，呎價8,837元。資料顯示，原業主為資深投資者呂宇健，他於今年2月以350萬元買入，當時代理指他在深井與友人食食下燒鵝期間，眼見環境清幽，景色優美，就去睇浪翠園，結果一睇買入，成交價較銀行估價低12%。目前持貨5個月轉售，帳面獲利79萬元或23％。
臨近年尾，他睇淡本港樓市，預計今年第4季樓價跌15％。早前以400萬元沽出荃灣中心，持貨15個月，帳賺102萬元。翻查資料，呂宇健去年至今短炒11個本港住宅單位，全部獲利，合共賬賺超過1,200萬元。
