睇樓大JAY級丨港島西530萬海景兩房 住姜濤 林明禎 中間 兩個缺點要留意

港島西近排最多人知就係姜濤林明禎都搬嚟呢區住，但我已經睇過佢地所在嘅兩個屋苑，唔好話買啦，租都3萬起，而且代理同我講，傳姜濤買入嘅維壹租盤得兩個，加上有業主擔心太多人白撞，要求睇樓客要攜帶3%訂金本票，至於林明禎租住嘅尚瓏都係極少租盤！住唔到隔離，住佢地附近咪一樣！而今次睇嘅單位，喺正佢地既中間位，中原地產柳志明同我講，呢類單位交投疏落，上年都係得大約4宗成交，今次睇既單位，有海景，新裝修，五字頭！不過，有兩個缺點要留意！