會德豐地產藍田新盤Koko Hills第2期今日進行命名儀式，其實個名就無乜特別，叫做Koko Reserve。不過gimmick相信在於發展商講到呢個樓盤的命名靈感係啟迪自意大利著名滑雪渡假村Ski Resort。吓？滑雪？將軍澳落雹就話啫。我明，係指靈感啟迪，但會唔會over咗。
發展商仲話項目延續啟德Monaco啟航的旅程，沿Italian Riviera 遊走到意大利雪山國度，由佈局以至會所設施都細意注入意大利Ski Resort及European Spa元素。樓盤有超過7.2萬呎會所及園林，由山頂豪宅項目Mount Nicholson設計團隊打造，引入多元化設施滑雪模擬器、高爾夫嶺、私人水療室、無邊際戶外泳池。
Koko Reserve為Koko Hills發展項目第2期，設1幢高座住宅大樓，提供82伙，戶型由2房至4房。發展項目即將進入現樓階段，發展商現正積極籌備發展售樓說明書及示範單位，預計2021年10月取得入伙紙， 預計關鍵日期為2022年9月。Koko Hills發展項目分4期發展，第3A期及3B期正申請預售樓花，計劃2022年推售。
——————
密切留意BossMind動向！立即CLS