政府今日起放寬社交距離措施，食肆每枱人數由8人增至12人，酒吧、酒館、夜總會等每枱人數由4人放寬至6人。香港中小企食店聯盟召集人林瑞華向BossMind表示，放寛對食肆、酒吧的幫助不大，關鍵是放寛入境限制增加旅客，以及取消經營時間限制，才能令業界真正復常。
香港中小企食店聯盟召集人林瑞華同時經營食肆和酒吧，他今日接受BossMind訪問時表示，「4人一枱放寬至6人一枱，其實對酒吧分變不大，平日人多客人也可以分兩枱飲嘢，你畀佢一枱12人都無乜唔同。」
林瑞華認為，目前政府仍限制食肆經營時間至午夜12時，酒吧至凌晨2時，「其實呢個限制係最無科學根據，時間和傳播風險有乜關係？點解仲要限住？依家個市好靜，基本上十點左右啲客便走，食肆客人早走，酒吧都受影響。」
林瑞華說：「早兩日我去酒吧飲嘢，未夠12點，蘭桂芳已出現好多警車，佢地等住一陣睇下有無人違規，咁嘅氣氛，邊個有仲好想飲嘢？」
「0＋3」變相鼓勵市民外遊
早前政府放寛入境措施至「0＋3」，變相鼓勵市民外遊，「9月個巿一向靜，但今年靜得特別誇張，我識的朋友唔少去咗旅遊，或訂機票外遊，仲留喺度咩！尤其高消費果班人，忍咁耐有機會就外遊啦！」林瑞華和業界一樣，對萬勝節、聖誕節等不太樂觀，「以前十月黃金周已開始爆，十一月、年尾開始公司聚會、旅客消費，一直可以爆到農曆年，但今年應好多人去咗旅行！成個業界得張宇人睇唔到問題！」
自由黨飲食界立法會議員張宇人早前表示歡迎政府推行「0+3」，並稱完全不認同「0+3」會影響飲食業生意。
