Palantir(PLTR)被稱為反恐概念或大數據股，實際係做乜無人深究。由淺入深，最簡單可以話電影劇集入面必備的追兇人物事件關係圖(見Homeland的Carrie Mathison)，即Gotham主責的部份，而深入去睇PLTR其實係一隻數據提煉股。
PLTR目標客戶係機構，普遍人好難接觸，有Reddit仔開Post講用戶體驗，以Foundry開發出Skywise，收集整合數據以及提供user-friendly的界面，將過往雜亂無章，層層分隔的數據加利用。
例如以一粒飛機零件高壓閥(high pressure valve)出問題導致飛機需要緊急維修，令航空公司需要調動航班引起延誤，會損失數以十萬計美金。片入面會解釋PLTR如何協助避免問題發生，更可以問返轉頭，如何避免問題，實在幫航空公司慳到錢。
而現階段唔少公司都會轉上cloud運算及儲存數據，見Amazon的AWS、微軟的Azure或Google Drive都好好生意。而下一步如何提煉到數據作決定(decision making)，甚至問返AI點做先最好，都係PLTR能夠提供的服務。
財務方面，PLTR放眼未來，睇按年增長30％。其實同業Snowflake亦都睇去到2029年，年年收入升3成。怕估值貴的話，增長是解決良方。
當然風險是PLTR的商業化能否持續成功，早前的Q2成績表話美國商業客增長9成，係一個好現象。但睇淡的人會覺得PLTR有妖味，經常以入股SPAC股換取生意合約能吾持續呢？視乎你點睇，成功的話就雙贏，但SPAC股價下跌，PLTR都仍然有份合約在手。
從股價角度去睇第一站$27.5，過到可以望30蚊樓上。不過需要市況的配合，特別係債息重上1.349厘，再上的話會對高估值科技股有壓力。小器倉的均價為$25.5，視乎市況發展可能需要在24止蝕。
