港股(港女)近日表現吽到一個點,加上年尾,收爐味濃。噚日《港股直播:午市幫拖》,唐牛、古天后、南方東英聯席董事李雪恒(Kenneth aka. 雪雪)就同大家悶市吹兩嘴。李雪恒就笑言,「大家呢排關注嘅花生,都係感情問題,對大市就冷感,佢跌又好,溝返你又好,都冇咩感覺。」
他表示,節日效應下,對大市冷感屬預期之內,但認為下一季度,特別是美股,應然值得憧憬。當然,假如市場有重大消息,令市場逆轉,如中國大力放水,令資金重投A股懷抱,屆時就可以留意相關ETF。唐牛表示,現時港股一路向下,但A股仍在水平線之上,反映A股未至於太悲,「當然依家就好難落注,但不妨袋住啲number,唔係到時殺到埋身,仲要搵number,機會係留畀有準備嘅人!」
李雪恒指出,南方最新推出南方MSCI A50 ETF(3003),與傳統A50 ETF(2822)分別,前者可更精準去追蹤整個中國新舊經濟增長引擎。由於滬深300以內需、消費為主;至於A50則為金融為主,再加上ETF是追蹤傳統A50、滬深300的混合版,亦涵蓋科技股,其中寧德時代更為其十大持倉股,「又去返感情問題,如果要花心嘅,我哋俾多隻大家揀。如果你問我,就算我有2822都好,我係變咗心嘅,變咗去3003。」他認為,現階段市況無謂太集中,分散投資較為著數。
他表示,南方推出MSCI A50 ETF,主要有見MSCI A50期貨交投活躍,獲不少機構投資者青睞,因此順勢推出3003予不想炒期貨的機構及散戶,借此ETF進入A股市。
節目原汁原味重溫